Sumqayıtda arxitektura normaları gözlənilmədən, qanunsuz, avtomobil yolunun, piyadalar üçün nəzərdə tutulan səkilərin üzərində tikilən obyektlərin sayı onlarladı. 

Onlardan biri də, Sülh küçəsində, 2 mikrorayon ərazisində, "Cavid"" ticarət mərkəzi ilə üzbəüz, keçmiş "Veterok" kafesinin yerində inşa edilən obyektir. Bu "əzəmətli" bina sakinlərin öz həyətlərinə sərbəst gediş-gəlişinə mane olur. Belə ki, sözügedən obyekt mikrorayona giriş-çıxış üçün nəzərdə tutulan avtomobil yolunu daraltmış, ikinci mərtəbəsi isə yolun üzərinə çıxmışdı. Bu isə fövqəladə hadisələr zamanı yanğın söndürən və digər iri avtomobillərin həyətlərə daxil olmasına əngəl törədəcək. 

Bu tikili mikrorayon sakinlərinin haqlı narazılığına səbəb olub. İnanırıq ki, aidiyyatı təşkilatlar küçələri "işğal" edən binalara əncam çəkəndə sözügedən obyekti də "unutmayacaq"