İstismar müddəti başa çatmış Sumqayıt Dəmiryol Vağzalının binasının süküntüsünə başlanılıb. Sözü gedən ərazidə isə müsir standarlar cavab verən yeni vağzal inşa olunur. Hazırda tikinti işləri təməlqoyma mərhələsindədir.

Bundan əlavə Bakı-Xırdalan-Sumqayıt sərnişin qatarının istifadəyə verilməsi ilə əlaqədar Sumqayıt Dəmiryol Vağzalı ərazisində köməkçi dəmiryolu xətləri də çəkilib. Hazırda sərnişinlərin qatarları gözlədikləri zaman dayanmaları üçün dayanacaqlar quraşdırılır və platformada üzləmə işləri aparılır.

Ərazidə yaşayan sakinlərin təhlükəsizliyini nəzərə alaraq vağzalda yeni yeraltı keçid inşa olunur. Yenidənqurma işləri başa çatana kimi təhlükəsizliklə əlaqədar mühafizə işçiləri dəmiryolu xətti boyunca xidmət aparırlar. Eyni zamanda, elektrik dirəklərinə 30 metrdən bir sakinlər üçün təlimatlar yapışdırılıb. Bütün proseslər başa çatandan sonra qaydalara əməl etməyən və keçiddən istifadə etmədən təmas relsinin üzərindəm keçməyə cəhd edən sakinlər 50 AZN məbləğində cərimə oluna bilərlər.(interaztv.com)