Sumqayıt şəhər İcra Hakimiyyətinin Başçısı Zakir Fərəcov YAP Sumqayıt şəhər təşkilatının Gənclər Birliyinin üzvləri ilə görüşüb. Birliyin 650-ə yaxın üzvünün iştirak etdiyi tədbirdə çıxış edən YAP Sumqayıt şəhər təşkilatının Gənclər Birliyinin sədri Elvin Məmmədzadə ölkə Prezidenti tərəfindən gənclərə göstərilən diqqət və qayğıdan, onlara yaradılan hərtərəfli şəraitdən, geniş imkanlardan, ölkənin ictimai-siyasi həyatında gənclərin geniş fəallığından söhbət açıb. E. Məmmədzadə gənclərin hər bir ölkənin ictimai-siyasi, sosial-iqtisadi, elmi-mədəni-humantiar həyatında mühüm rola malik potensial qüvvə kimi mühüm yer tutduğunu bildirib.

Sumqayıt şəhər İcra Hakimiyyətinin Başçısı Zakir Fərəcov isə çıxışında rəhbərlik etdiyi şəhərin problemlərinə toxunub. Z. Fərəcov şəhəri abadlaşdırılacağını və gənclərin təhsilinə diqqətin artırılacağını vurğulayıb. İcra Başçısı Sumqayıtın simasının dəyişəcəyindən və bu istiqamətdə aparılacaq tədbirlərdən də söz açıb.

O, Sumqayıtın idarə və təşkilatlarında rəhbər vəzifələrdə sumqayıtlılara, əsasən də gənclərə üstünlük veriləcəyini tədbir iştirakçılarının diqqətinə çatdırıb.

YAP Sumqayıt şəhər təşkilatının Gənclər Birliyinin fəalları Elvin Dadaşov, Gülbacı Məmmədova, Günel Qiyasova, Şənlik Əliyev və digər çıxış edənlər ölkədə həyata keçirilən gənclər siyasətindən, eləcə də dövlətin gənc nəsilə göstərdiyi diqqət və qayğıdan danışıblar.

Tədbirdə Sumqayıt şəhər İcra Hakimiyyətinin Başçısı Zakir Fərəcovun 01 oktyabr 2015-ci il tarixli 169 nömrəli sərəncamı ilə Sumqayıt şəhərinin ictimai-siyasi həyatında fəal iştirakına görə 80 nəfər gəncə Fəxri fərmanlar verilib.

Xeberle.com