Sumqayıt Şəhər İcra Hakimiyyəti vətəndaşların pulunu ödəmək üçün imkanları olmadığını deyir.

Sumqayıt şəhər sakinlərinin evlərinin İcra Hakimiyyəti tərəfindən qanunsuz olaraq sökülməsi və bu barədə Ali Məhkəmənin hökmünün icra olunmaması barədə məlumat vermişdi.

Qeyd edək ki, 30- cu məhəllədə yaşayan 5 ailənin müvafiq sənədlərlə artırma tikililləri Sumqayıtın keçmiş İcra başçısı Eldar Əzizovun vaxtında sökülüb.

Sumqayıt şəhəri 36-cı məhəllə ev 11/22A ünvanında yaşayan 5 ailə yenidən saytımıza müraciət edib. Şəhər sakinləri Ələkbərov Qasım Nəcəf oğlu, Xıdırova Gülnarə Həsən qızı, Əliyev Fuad Əli oğlu, Qasımov Saleh Bayram oğlu, Süleymanova Gülarə Qəhrəman qızının imzası ilə daxil olmuş şikayət məktubunda Sumqayıt Şəhər İcra Hakimiyyətinin Ali Məhkəmənin 05 mart 2015- cil tarixli (iş № 2-1 (102)-16/15) Qərarını hələ də yerinə yetirmədikləri qeyd olunub.

Şikayətçilərin sözlərinə görə, ötən gün Sumqayıtın yeni İcra başçısı Zakir Fərəcovla görüşüblər. Vətəndaşları dinləyən icra başçısı onlara ödənilməli olan təxminən 60.000 AZN məbləğinin hələ ki, mümkün olmadığını deyib. İcra başçısı bu fikrini büdcədə kifayət qədər pulun olmaması ilə əsaslandırıb.

Xatırladaq ki, göstərilən dəlil və sübutların yetərincə olduğunu əsas gətirən Ali Məhkəmə hakim A.Hüseynovun sədrliyi ilə yekunda belə qərar çıxarıb:

 

"Cavadeh Sumqayıt şəhər İcra Hakimiyyəti və vəkili Qulamov Ağazahid Şirzad oğlu tərəfindən verilmiş kassasiya şikayəti təmin edilməsin. Sumqayıt Apellyasiya Məhkəməsinin 22.07.2014- cü il tarixli qərarı dəyişdirilsin. İddiaçılara vurulmuş zərərin əvəzi dövlət büdcəsi hesabına Sumqayıt şəhər İcra Hakimiyyəti tərəfindən ödənilsin. Qalan hissədə qərar dəyişdirilmədən saxlanılsın.”

İcra hakimiyyətlərinə dövlət büdcəsi tərəfindən ayrılan pul vəsaitini nəzərdə tutan qanundan çıxarışı təqdim edirik:
"Azərbaycan Respublikası Maliyyə Nazirliyinin 1996-cı il 05 avqust tarixli İ-54 nömrəli əmrinə 2 nömrəli əlavə Azərbaycan Respublikası Dövlət büdcəsi xərclərinin funksional Təsnifatında digər xərclər nəzərdə tutulub. Bu xərclərdə icra hakimiyyəti orqanlarının məhkəmə qərarlarının icrası da şamil edilir.” (femida.az)

 

Vətəndaşlara məxsus tikililərin sökülməsini əks etdirən görüntüləri təqdim edirik:

Xəbərdən istifadə edərkən istinad etmək vacibdir.