Qafqaz Müsəmanları İdarəsinin sədri (QMİ) gələn həftə ailələrlə görüşəcək.

"Gələn həftə Qafqaz Müsəlmanları İdarəsi tərəfindən həcc ziyarəti zamanı dünyasını zəvvarların ailələrinə kompensasiya ödəniləcək.

 Rəhimə Dadaşova QMİ-nin mətbuat xidmətinin rəhbəri açıqlamasında deyib.

Onun sözlərinə görə, həcdə dünyasını dəyişən hər üç zəvvarın ailəsinə 6 min manat məbləğində pul ödənəcək: "Buna səbəb QMİ ilə həmin zəvvarlar arasında bağlanan müqavilədir. Müqavilədə zəvvar həcc müddətində dünyasını dəyişdikdə idarə həmin şəxsin ailəsinə 6 min manat məbləğində təzminat ödəməlidir",-deyə Rəhimə Dadaşova bildirdi.



Rəhimə Dadaşova-QMİ-nin mətbuat xidmətinin rəhbəri


Müqəddəs torpaqda şəhid olan Azərbayсanlıların sayı 3 nəfərdir. İlk olaraq 1955-ci il təvəllüdlü, əslən Qubadlı rayonunun Dondarlı kəndindən olan Fəxrəddin Zeynalov ürək tutmasından qəfil dünyasını dəyişmişdi. O, Xırdalan şəhərində yaşayıb, uzun müddət su idarəsində çalışıb. Məcburi köçkün olan Fəxrəddin Zeynalov 3 oğul, bir qız atası idi. 

F. Zeynalovdan sonra isə 1957-ci il təvəllüdlü Kəklik Aslanova ziyarət zamanı ölüb. Mərhumənin təzyiqi aşağı düşmüş və həkimlərin səyi heç bir nəticə verməmişdi. Sentyabrın 27-də hər iki zəvvarlarımız Məkkədəki Həcc ziyarəti şəhidləri üçün olan qəbirstanlıqda torpağa tapşırılıb. Fəxrəddin Zeynalov və 57 yaşlı Kəklik Aslanovanın Minada şeytana birinci daş atma mərasimdən sonra günvurmadan öldüyü bildirilmişdi.





Səudiyyə Ərəbistanında dünyasını dəyişən 3-cü zəvvar isə 1936-cı il təvəllüdlü Yardımlı sakini Şirinov Əzizağa olub. Mərhum yaşadığı oteldə ürək çatışmazlığından dünyasını dəyişmişdi. O, Həccin bütün vacib əməllərini yerinə yetirdikdən sonra ölmüşdü. 

Dünyasını dəyişən azəbaycanlı zəvvar Əzizağa Şirinov sentyabr ayının 29-da mühacirlər üçün nəzərdə tutulmuş məsciddən son mənzilə yola salınıb. 

Dəfn mərasimində Azərbaycanın Səudiyyə Ərəbistandakı səfirliyindən nümayəndə və Qafqaz Müsəlmanları İdarəsinin rəsmiləri iştirak etmişdi.



Fəxrəddin Zeynalov- Həcdə dünyasını dəyişən zəvvar
(ANS PRESS)