"Sumqayıtda 65 yataqxana var və əksəriyyəti 60-cı illərdə tikilib və müvəqqəti yaşayış üçün nəzərdə tutulub. Onların əksəriyyəti qəzalı vəziyyətdədir. Bunların yenidən tikilməsinə vəsaitin ayrılması indiki vəziyyətdə çətindir, amma onların əsaslı təmirinə vəsait ayrıla bilər.”

Bu sözləri deputat Gövhər Baxşəliyeva Sumqayıt şəhərində olan yataqxanalar barəsində də danışarkən deyib.

 G. Baxşəliyeva bildirib ki, Sumqayıtda digər regionlardan fərqli olaraq hündürmərtəbəli binalar üstünlük təşkil edir. Burada mənzillərin isidilməsi üçün alternativ yanacaq-dizel, odun, kömürdən istifadə mümkünsüzdür, ona görə binalara istilik sistemlərinin çəkilməsi vacibdir: "Büdcədən bununla bağlı vəsait ayrılıb, amma bunun necə faizinin Sumqayıtın payına düşdüyü müəmmalıdır. Hökumət üzvlərindən xahiş edirəm ki, məsələ diqqətdə saxlanılsın”.

Xeberle.com