"Dünən yağan yağışlar nəticəsində "Azəryolservis” ASC-nin balansında olan avtovağzal ərazisinə yaxın əsas yolda heç bir problem yaranmayıb”.
Bu sözləri açıqlamasında "Azəryolservis” ASC-nin mətbuat xidmətinin rəhbəri Anar Nəcəfli deyib.
O qeyd edib ki, səhər həmin ərazidən keçərkən əsas avtomobil yolunda heç bir çat və ya çökmə müşahidə etməyib.
"Bizim balansımızda olan avtomabil yolunda heç bir problem yoxdur. Yeni çat və ya çökmə yoxdur, şükürlər olsun problem yoxdur”, deyə mətbuat xidmətinin rəhbəri qeyd edib.
Lakin dünən yağan aramsız yağışlar Bakı Beynəlxalq Avtovağzal Kompleksinin ərazisindəki yolda yeni çatların yaranmasına, çökmənin dərinləşməsinə səbəb olub. Bu barədə virtualaz.org saytı yazıb və ərazidən fotoları təqdim edib.(Modern.az)
![]()
![]()
Xəbərdən istifadə edərkən istinad etmək vacibdir.
