Ötən gün Sumqayıt şəhər icra hakimiyyətində 2015-ci ilin doqquz ayının sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağı keçirilib. Yığıncaqda ötən 9 ay müddətində Sumqayıtda həyata keçirilən tədbirlərdən, mövcud olan problemlərdən və qarşıda duran vəzifələrdən söz açılıb.

Sumqayıt şəhər İcra hakimiyyətinin başçısı Zakir Fərəcov şəhərdə inkişaf tempinin aşagi olduğunu və son illər hec bir iş görülmədiyini bildirib. İcra başçısı çıxışında abadlıq işlərinin aparilmamasına, evlərin dam örtüyünün bərbad olmasına, istilik sisteminin olmamasına, zirzəmilərin yararsız vəziyyətdə olmasına toxunub.

Z. Fərəcov bəzi idarə və müəsisələrdə nizam-intizamin aşagı səviyyədə olmasını qeyd edib, məhəllədaxili yolların bərbad vəziyyətindən və digər məsələlərdən danışıb. Şəhər rəhbəri bağçaların baxımsız vəziyyətindən, eyni zamanda normadan artıq uşaq qəbulundan da söz açıb.

O, bununla yanaşı digər problemlərdən də bəhs edib: "Qaz idarəsinin fəaliyyəti mane qane etmir. Bələdiyyənin işində nöqsanlar var, vergilər vaxtında yığılmır və qanunsuz tikililər mövcuddur.”

İcra başçısı cinəyatkarlıqla mübarizənin zəif olduğunu da vurğulayıb. Z. Fərəcov şəhərdə dini radikalizmin baş alıb getdiyini, narkomaniyanın geniş vüsət aldığını da diqqətə çatdırılıb.

Bununla baglı hüquq-mühafizə orqanlarına ciddi tapşırıq verilib.