Sumqayıtda Azərbaycan Respublikasının Prezidenti yanında Gənclər Fondun maliyyə dəstəyi və "Gənclərin Hmrəyliyi” ictimai bilriyinin təşkilatçılığı ilə "Parlament seçkilərində fəal olaq!” adlı layihə həyata keçirilir. Layihənin məqsədi ilk dəfə səs verəcək gənclərə seçkilərin təşkili ilə bağlı ətraflı məlumatın verilməsi, seçkilərdə iştirakın hüquq olmaqla yanaşı, vətəndaş məsuliyyəti və borcu olması ideyasının aşılanması, seçicinin hüquq və vəzifələri, seçki prosesində iştirak etmək üçün lazım olan prosedur qaydalar, seçkidə müşahidəçi kimi iştirak etmək hüququ, müşahidəçilərin hüquq və vəzifələri ilə bağlı mövcud olan qaydalar haqqında təlim iştirakçılarını maarifləndirməkdir.

Layihə çərçivəsində Sumqayıt şəhərində ilk dəfə səs verəcək 300 nəfər gəncin iştirakı ilə təlimlər keçiriləcək. 

Ötən gün ilk belə təlim keçirilib. Təlimçi Zaur Ağazda səsvermə prosedurundan və həyata keçirilməli olan fəaliyyətlərdən bəhs edib. Təlimdə səsvermə ilə bağlı qanunun tələbləri, seçki komissiyaları, seçkilər zamanı səsvermə otağı, seçki bülleteni, səsvermə qaydası ilə bağlı qanunvericilikdə nəzərdə tutulmuş müddəalar şərh edilib. Gənclərə seçkilərin təşkili ilə bağlı ətraflı məlumat verilib.

Mövzu ilə bağlı sosial çarx da nümayiş olunub.

Sonda təlim iştirakçılarını maraqlandıran suallar cavablandırılıb.