44 saylı Sumqayıt-Xızı seçki dairəsindən Azərbaycan Respublikasl Milli Məclisinə namizəd, hal-hazırda millət vəkili Hacı HacıBaba oğlu Salayevin seçicilərlə görüşləri davam edir.
Növbəti görüş Sumqayıt  şəhərində Kotec və 7,8,9-cu məhəllələrdə keçirilib.  Görüşdə  ağsaqqallar, Qarabağ müharibəsi veteranları şəhid ailələri, Çernobıl veteranları, respublikamızı beynəlxalq turnirlərdə ləyaqətlə təmsil edən  Sumqayıt idmançıları, ziyalılar iştirak ediblər.
Tədbiri giriş sözü ilə namizədin səlahiyyətli nümayəndəsi Azad Eyvazov açıb. Növbə ilə çıxış edən tədbir iştirakçıları əsil-nəcabətli ailənin nümayəndəsi olan Hacı Salayevin bu şəhər üçün doğma olduğunu xüsusilə vurğulayıblar. Onun gələcəkdə bir millət vəkili kimi doğma şəhərinə çox faydalar verəcəyini söyləyiblər. Tədbir maraqlı nüanslarla yadda qalıb. Belə kı, Sumqayıtda görüş olacağını eşidən Hacı müəllimin köhnə seçiciləri də büraya axın ediblər.
Saray qəsəbə sakini Anar Əmrahov, Digah qəsəbəsindən Ələkbər müəllim, Ceyranbatan qəsəbəsindən Maarif Sultanov, Leyla Qasımova və başqaları Hacı müəllim haqqında minnətdarlıqla danışıblar. Ondan millət vəkili kimi razılıqlarını bildiriblər. 18-cimikrorayon sakini Allahverən Şərifov çıxışında mikrorayonun ən böyük promlemi olan su  probleminin Hacı müəllimə  ilk müraciətdə tamamilə  həll olunduğunu bildirib. Həmçinin  onun sakinlərin  bütün ağrı- acılarına həssasıqla yanaşdığını, onların dərdinə hər zaman şərik olduğunu söyləyib. Yaddaşına əbədi həkk olunmuş bir hadisəni xatırladıb. Belə ki,Qarabağda şəhid olan bir əsgərin ağır xəbərini eşidən Hacı müəllimin həmin an mərasimə yetişdiyini, şəhidin valideynlərinin dərdlərinə şərik olaraq, hər tərəfli maddi və mənəvi dəstək olduğunu diqqətə  çatdırıb.
Corat 7 saylı tam orta məktəbin direktoru Təranə Haqverdiyevanın çıxışı sürəkli alqışa səbəb olub. O, Haçı müəllimin təhsilə qayğı və diqqətindən minnətdarlıqla danışıb. Məktəbə 46 dəst hərbi hazırlıq forması bəxş etdiyini, məktəbin binasının  və istilik sistemini təmir etdirdiyini, məktəbdə dəfələrlə ümumi bəla olan narkomaniya ilə mübarizə müvzusunda görüşlər keçirdiyini söyləyib.
 Növbəti çıxışlar, Nübar Qasımova və Xatirə Əliyevanın çıxışları da maraqla dinlənilib.  
Sumqayıt Veteranlar Şurasının sədri Leyla Qasımova çıxışında Hacı müəllim kimi şəxsiyyətin dünyaya çox nadir hallarda gəldiyini qürurla vurğulayıb. Bildirib ki, köməksizə hər zaman arxa-dayaq durmaq, kinsəsizə əl tutmaq, mərhəmət xeyirxahlıq onun amalıdır. Əməllərini də bu amal üstündə qurub. Ağsaqqalardan Hacı Rüstəm, Əlfüqar dayı Hacı müəllimin valideynlərindən bəhs ediblər. Elə ləyaqətli, nəcib ailədən belə övladın çıxmasının labüd bir hal olduğunu bildiriblər.
Çernobıl əlili Əhməd Əhmədov özünün və ailəsinin bütün maddi təminatının Hacı müəllim tərəfindən ödənildiyini söyləyib.     
Ceyranbatan sakini Reyhan xanım çıxışı xüsusi ilə diqqəti çəkib. O,Hacı müəllimin timsalında təkcə bir milət vəkili deyil, bir dost, bir qardaş, bir arxa-dayaq seçəcəklərini deyib.   T
Tədbirdə, həmçinin Sumqayıt Gənclər Təşkilatından Rüstəm Məmmədov, Corat qəsəbəsindən İsmayıl Tağıyev Hacı müəllimin gənclərə qayğı və diqqətindən , neçə-neçə gəncin işlə təmin olunmasindan danışıblar və Hacı müəllimin bir fikrini səsləndiriblər ”Millətindən, dilindən,dinindən, irqi mənsubiyyətindən asılı olmayaraq, ermənidən başqa  hər bir kəsi işlə təmin etməyə hazıram.”    
Sonda səlahiyyətli nümayəndə Azad Eyvazov yekun söz üçün Hacı Salayevə söz verib. Hacı müəllim Ulu Öndər Heydər Əliyev siyasi kursunun layiqli davamçısı  prezident İlham Əliyevi hər zaman dəstəklədiyini, dövlətimizin tərəqqisi, dövlətçiliyimizin möhkəmlənməsi üçün hər zaman hazır olduğunu  bildirib  və ”Sizlərdən biri, sizin üçün! Hər zaman mənə göstərdiyiniz böyük etimadı doğruidacağam” deyərək tədbirə yekun vurub.