O xanım gəncdir. O, perspektivlidir. O, bu dəfə özünü sınamaq qərarına gəlib. Amma bu, daha böyük sınaqdır – Parlament seçkilərində namizəd kimi iştirak edib deputat olmaq, xalqının səsinə çevrilmək istəyir. O, Sumqayıtda böyüyüb boya başa çatıb. Söhbət 41 saylı Sumqayıt Birinci Seçki Dairəsindən namizədliyi irəli sürülən Həcər Abbaslıdan gedir. Həcər Abbaslı hazırda Sumqayıt şəhərində yaşayır və şəhərin aktiv gənclərindəndir. Bakı Dövlət Universitetinin Nəşriyyat işi və Redaktəetmə ixtisasının məzunudur. O, bir müddət jurnalist kimi də çalışıb, şəhərinin problemlərini xüsusən Xeberle.com portalında işıqlandırıb. Avropa Diplomatiya Akademiyasının məzunudur. Bir sıra beynəlxalq tədbirlərin və Cənubi Qafqazda gənc siyasətçilərin III forumunun iştirakçısıdır. Hazırda "Ümid" partiyasının Gender Bərabərliyi şöbəsinin müdiri vəzifəsində çalışır. Həmçinin partiyanın ən gənc xanım namizədidir.

Bəli, Həcər Abbaslı ən gənc namizəddir. O, Sumqayıt gəncliyinin problemlemlərini Milli Məclisdə səsləndirə bilər. Bir sual olunur: görəsən, biz niyə ona səs verməliyik?!

- Gənc və enerjilidir, Sumqayıtın problemlərini parlamentdə səsləndirmək eşqi ilə alışıb yanır.

- Sumqayıt sakinidir və şəhərin problemlərinə yaxşı bələddir.

- Əsas hədəfi parlamentdə gəncləri təmsil etmək və onların problemlərinin həlli ilə bağlı təkliflərlə çıxış etməkdir.

Onun bir fikrini çox bəyəndim. Həcər xanım deyir ki, bütün diqqətimi və var gücümü qələbə qazanmağa yönəltmişəm. Qələbə ona inanan və zəhmət çəkənindir.
Həcər Abbaslının pulu-parası yoxdur ki, seçicilərinə paylasın, yol-asfalt çəksin, yaxud həyətlərdə Xeyir-şər məclisləri tiksin. Bu balaca qızcığazın böyük ürəyi və cəsarəti var. O, seçicilərinə güvənir, amma ən çox özünə inanır. Onu bu meydanda tək qoymayaq! O, Sumqayıt gənclərinin gələcəyinə yol açmaq istəyən bir namizəddir.

Özünün dediyi kimi: "Sizə yol çəkən yox, gələcəyinizə yol açan millət vəkili lazımdır” 

Hacı Məmmədov
Xeberle.com