Azərbaycanda nazirlərdən birinin müavininin oğlu atasından imtina edir.
Cebhe.info xəbər verir ki, bunu Azərbaycan Mqirasiya Mərkəzinin rəhbəri, hazırda Almaniyada yaşayan Əlövsət Əliyev bildirib. Əlövsət Əliyevin sözlərinə görə, həmin gənc ona müraciət edib: "Yazıb ki, atamın rəsmi əmək haqqı 1400 AZN- dir. Lakin o hər gün evə bu məbləğdən dəfələrlə çox pul gətirir. Onun qanunsuz fəaliyyətinə görə evdə daim əsəb və qorxu hökm sürür, özümüzü oğru kimi hiss edirik, hərəkətlərimə qoyulan məhdudiyyətlərə dözə bilmirəm. Evdə rəsmiyyət o həddədir ki, özümüzü dövlət idarələrində olan şəxs kimi hiss edirik. Anam da bu vəziyyətdən boğaza yığılıb. Bu vəziyyətə dözmədiyim üçün atamdan imtina etmək və sərbəst yaşamaq istəyirəm”.
Hüquqşünas bildirib ki, nazir müavininin oğlu atasından imtinanın qaydasını öyrənmək istəyir: "İstəyirdi ki, ona qaydaları izah edim. Ailə üzvlərindən imtina kimi zərərli halların təbliği ilə məşğul olanlar bilməliydilər ki, bir gün bu zərərli halllar vərdişə çevriləcək və növbə onlara da çatacaq”.
Xəbərdən istifadə edərkən istinad etmək vacibdir.