Fövqəladə Hallar Nazirliyinin Sumqayıt Regional Mərkəzində "Azərbaycan Respublikasının Dövlət Bayrağı” və "Konstitusiya günü” münasibəti ilə tədbir keçirilib. Dövlət himnimizin səslənməsi ilə başlanan tədbirdə çıxış edən Mərkəzin rəis müavini polkovnik Elşad Əliyev Dövlət Bayrağı Gününün təsis olunması, bayrağın simvolları və onun bu günümüzə qədər hansı dəyişikliklərə məruz qalması barədə məlumat verib. Daha sonra Mərkəzin əməkdaşı Azərbaycan Respublikasının Konstitusiya günü və yaranma tarixindən danışıb, ulu öndər Heydər Əliyevin xalqın tələbi ilə hakimiyyətə gəldikdən sonra həyata keçirdiyi bir çox islahatlar haqqında tədbir iştirakçılarına məlumat verib. Sonda Dövlət Bayrağı ilə bağlı sənədli film nümayiş etdirilib.