9 noyabr Respublikada Bayraq Günü kimi qeyd olunur. Bu gün barədə hər kəsin məlumatı varmı? Cənubi Qafqazın ilk xəbər kanalı olan TTV Bayraq Günü ilə bağlı bölgələrdə və paytaxtda maraqlı aksiya keçirib.

9 noyabr tarixinin Bayraq Günü kimi qeyd edildiyini bilənlər də var, bilməyənlər də. Amma sevindirici haldır ki, bilənlərin sayı daha çoxdur. Bəs bayrağımız niyə məhz 3 rəngdədir? Bunu da bilirikmi? Bu günün tarixinə gəlincə... Sovet hakimiyyəti qurulduqdan sonra müxtəlif dövlət atributları ilə yanaşı 3 rəngli Azərbaycan bayrağına da qadağa qoyuldu. Yalnız 70 ildən sonra ulu öndər Heydər Əliyev 3 rəngli bayrağı Azərbaycana qaytardı. 1991-ci il fevralın 5-də Azərbaycan parlamenti 3 rəngli bayrağın dövlət rəmzi kimi olması barədə qərar qəbul etdi. 2007-ci il noyabrın 12-də Prezident İlham Əliyev paytaxt Bakıda Dövlət Bayraq  Meydanının yaradılması haqqında sərəncam imzaladı.  Bu gün hər bir Azərbaycan vətəndaşının 3 rəngli bayrağın dalğalanmasını səbrsizliklə gözlədiyi bir məkan var.