Türkiyənin Çanakkala şəhərində On Səkkiz Mayıs Universitetinin ev sahibliyi ilə VIII Dünya Dili Türkcə Simpoziumu keçirildi. 15-17 oktyabr tarixlərində baş tutan simpoziumda Azərbaycan nümayəndə heyəti də geniş tərkiblə təmsil olunurdu. VIII Dünya Dili Türkcə Simpoziumunda Azərbaycan nümayəndə heyəti 9 nəfər tərkiblə təmsil olunurdu. Nümayəndələr bu qurumlardan idilər:

Azərbaycan Milli Elmlər Akademiyası, Nəsimi adına Dilçilik İnstitutu; Bakı Dövlət Universiteti; Bakı Slavyan Universiteti. Nümayəndə heyətinin məruzələri türkologiyanın müxtəlif sahələrinin aktual problemlərinə həsr olunmuşdur. AMEA-nın Nəsimi adına Dilçilik İnstitunun Türk dilləri şöbəsi dörd nəfər əməkdaşı ilə təmsil olunurdu. Şöbənin müdiri filologiya elmləri doktoru Məhəbbət Mirzəliyevanın, şöbənin aparıcı elmi işçisi, dosent Qətibə Mahmudovanın, elmi işçilər Günel Mirzəyevanın, Elçin İbrahimovun , Dilçilik İnstitunun Müasir Azərbaycan dili şöbəsinin aparıcı elmi işçisi, dosent İntizar Salehovanın, Bakı Dövlət Universitetinin dosentləri Qızılgül Abdullayeva və Elvira Lətifovanın, Bakı Slavyan Universitetinin dosentləri Gülnarə Əliyeva və Xatirə Abdullayevanın məruzələri Türkiyə türkoloqları və diğər ölkələrdən gələn dilçilər tərəfindən böyük maraqla qarşılandı.

Konfransın son günü simpoziumun işinin dəyərləndirilməsi keçildi. Azərbaycan nümayəndə heyəti adından çıxış edən M. Mirzəliyeva bildirdi ki, bu cür möhtəşəm konfransın tarixən türkologiya elminin paytaxtı sayılan, vaxtilə I Türkoloji Qurultaya ev sahibliyi etmiş Bakıda da Dünya Dili Türkcənin növbəti simpoziumunun keçirilməsi çox arzuolunandır.

Konfrans bitdiyi günün ertəsi iştirakçıların Çanakkala şəhidliyinə ziyarəti təşkil olundu.