Suriyada daha bir azərbaycanlı mücahid öldürülüb. Bu barədə mücahidlərə məxsus saytlar məlumat yayıb. Məlumata görə, “İraq-Şam İslam Dövləti” qruplaşmasının üzvü “Abdurrahman” ləqəbli azərbaycanlı mücahid Azad Suriya Ordusu tərəfindən öldürülüb. Onun Sumqayıt şəhərindən olduğu bildirilir. Mərhum boks üzrə idman ustası imiş.

“Abdurrahman” ləqəbli azərbaycanlı mücahidin ailəsinin də hazırda Suriyada olduğu bildirilir. Onun Süleyman adında qardaşı da hazırda Suriyada vuruşur. /apa.az/

Xeberle.com-a daxil olan məlumata görə, “Abdurrahman” ləqəbli sumqayıtlı mücahidin əsl adı Rəhman Şıxəliyevdir

Qeyd edək ki, Suriyada vəziyyət gərginləşəndən sonra bir qrup Azərbaycan vətəndaşı bu ölkəyə gedərək müxtəlif qruplaşmaların tərkibində vuruşmağa başlayıb. Ötən müddət ərzində həmin döyüşlərdə 100-ə yaxın azərbaycanlı öldürülüb. Onların bir çoxunun fotosu mücahidlər tərəfindən sosial şəbəkələrdə yayılıb.