Təbii sərvətlərlə zəngin olan ölkəmiz günü –gündən müasirləşir, inkişaf edir.Bu inkişaf xalqın yaşayışına necə təsir edir? Bu, hələ də sual altında qalmaqda davam edir. Cunki yenə də əziyyət çəkən xalqdır. Bir sıra qurumlar cavabdehlik daşımaq istəmir, öz məsuliyyətini anlamır, dövlətin ona həvalə etdiyi görəvi vicdanla yerinə yetirmir.
Keçən əsrdən enerji sektorunda da baş qaldıran özbaşınalıq, prezidentimizin illərdir xalqın rifahının yaxşılaşdırıması səmtində atdığı addımlara kölgə salmaqda davam edir. Sadə insanların yenə də kağız-kuguz- maklaturalarla get-gələ salınması davam edir. Bu istiqamətdə yaradılan "ASAN”xidmət sektorunu, doğrudan da, xalqın işini bir qədər asanlaşdıran , bir çox qurumların, xalqa sevgisi,məhəbbəti olmayan məmurların get-gəlindən qurtaran bir addım kimi qiymətlənirmək olar.
Borcum olmaması haqqında arayış almaq üçün "Azərişıq" ASC –nin Sumqayıtdakı idarəsinə getmişdim. Mənzilimə göndərilən bildirişlərdə borcumun olmadıgının yazılmasına baxmayaraq, 2001-ci ildən əvvəlki tarix üçün 59 manat işıq pulu "borcum” olduğunu əsas gətirərək mənə arayıs verməkdən imtina etdilər.Belə problemlərlə minlərlə insanın qarsılaşdığını və bu haqda kimə müraciət edirlərsə, guya ki, kökdə qalan keçən əsrdəki borcların odənilməməsi səbəbindən enerji odəyicisi kimi qeydiyyata almırlar, arayış vermirlər. Bu problemin çozülməsi üçün İdarə rəisinin yanında oldum, o da bu problemin ancaq ödəniş ediləcəyi təqdirdə həll oluna biləcəyini söylədi. Mən də ona hüquqi cəhətdən düzgün olmadığı barədə Azərbaycan Respublikasının Mülki Məcəlləsinin 373.3-cü maddəsinə əsasən, vaxtaşırı icra edilməli öhdəliklərdən irəli gələn tələblər üzrə iddia müddəti üç il olmasını xatırlatdım. Mülki qanunvericilikdə başqa şəxsdən hər hansı hərəkəti yerinə yetirməyi və ya yerinə yetirməkdən çəkinməyi tələb etmək hüququna müddət şamil edilir. Hüququ pozulmuş şəxsin iddiası ilə hüququn müdafiəsi üçün müddət iddia müddəti sayılır. Belə ki, "Azərişiq”ın tələbləri əsassızdır. Bu halda arayış almaq üçün rəsmi şəkildə "Azərişiq”a müraciət etməlisiniz. Əğər sizin müraciətınızdən imtina etsələr (Imtina məktubu versələr) onda məhkəməyə iddia ərizə qaldıra bilərsiniz.
Deməli, "Barmek”- Azərenerji-Azərişıq” bu "borcları” biri-birinə ötürərək keçən əsrdən qalan "borcları” 2015-ci ildən məcburi surətdə toplamaqla bu pulların kiminsə cibinə getməsinə nail olmaq istəyir.
Xatırladıram ki, "Barmek” o illərdə borcu olan abonentlərin işığını ay tamam olmamış kəsməklə məşğul idi. "Barmek”dən sonra hələ neçə ASC-lər bu işlə məşğul olaraq sakinlərin işıqlarını kəsərək məcburi surətdə pulun ödənilməsini tələb edirdilər.Bəs necə oldu ki ,2015-ci ilə qədər bu borclarla enerji ilə təmin olunduq? Bizə verilən bildirişlərdə :”Borcunuz yoxdur "yazıldığı göstərilir və hesablamalarda 01.01.2002 tarixinə qədər borcunuz nəzərə alınmamışdır yazılır. 2001-ci ildən 2015-ə qədərki dövrlərdə bu borcu niyə tələb edən yox idi?
Müstəqil ekspert Ərşad Hüseynov deyir ki, kommunal xərclərə görə ən uzağı son 3 ilin borcunu tələb etmək olar: "İddia müddəti var, 3 ildir. Yəni ki,2012-yə qədər bu borc olarsa, onun sizdən tələb olunması qanuna ziddir,nəinki 2002-yə qədər.”
Bir tərəfdən iqtisadi böhran, manatın devalvasiyası, Prezidentimizin söylədiyi kimi”gələn il daha cətin olacaq” fikrinin real həyatda təsdiqi, xalqın həyat şəraitinin bir qədər də çətinləşdiyi dövrdə erməni kilsələrinə havayı qaz verə bilirik, ancaq özümüzə isə keçən əsrdən qalan enerji borclarını tapırıq...Ermənilər də Qarabağda özlərinə aid nə isə tapmaq ücün cox qazıntı işləri aparırlar, amma, şükürlər olsun ki, heç nə tapa bilmirlər. Əlaclari şər, böhtan atmağa qalır.
Sübhan Arifoğlu
"Zaman və Biz” qəzeti