Xəbər verdiyimiz kimi, Sumqayıtda fəaliyyət göstərən 1 və 2 saylı doğum evlərində yoxlamalar aparılıb. Bu yoxlamalar şəhər sakinlərinin şikayətləri əsasında başlayıb, belə ki, sumqayıtlılar bu tibb müəssisələrinin fəaliyyətindəki nöqsan və çatışmazlıqlardan dəfələrlə narazılıq ediblər.

Sumqayıtda bu sahədəki vəziyyət o dərəcədə ciddi olub ki, hər iki doğum evinin baş həkiminin işdən azad edilməsi məsələsi də gündəmdə idi.

Lakin bu dəyişiklik tam olaraq baş tutmayıb.

2 saylı doğum evinin baş həkimi İmmi Ələkbərova işdən azad edilsə də, digər doğum evinin baş həkimi son anda vəzifəsində saxlanılıb.
Belə ki, Sevda İsgəndərovaya işində yol verdiyi nöqsanlara görə ciddi xəbərdarlıq edilib, müəssisədə islahatlar aparmaq, neqativ halların aradan qaldırılması və işində dönüş yaratmaq üçün imkan yaradılıb.
Xeberle.com