Qusar rayon sakini itkin düşüb.
APA-nın şimal bürosunun verdiyi məlumata görə, Qusar rayonunu Həsənqala kənd sakini Qaracov Əlayəddin Məcid oğlu  Qusar rayon Polis Şöbəsinə müraciət edərək oğlu, 1990-cı il təvəllüdlü Əfqan Məcidovun işləmək adı ilə  12 iyun 2015-ci il tarixində şəxsiyyət vəsiqəsini götürərək Bakı şəhərinə getdiyi, onunla 27 sentyabrdan sonra əlaqə yarada bilmədiklərini deyib. Aparılan ilkin əməliyyat axtarış tədbirlərinə baxmayaraq, itkin düşən Ə.Məcidovun yerini müəyyənləşdirmək mümkün olmayıb. Onun Bakı, Sumqayıt şəhərlərinə və ətraf rayonlara getməsi ehtimal olunur.

 Onun əlamətləri: boyu 166 sm, yumru, qarayanız sifət, qara-qısa saçlar, gözləri, qaşları və kirpikləri qara, orta köklüklə bədən quruluşlu, enli kürəkli, uzun-düz burunlu. Evdən çıxarkən əynində ağ rəngli qısaqol köynək, cins şalvar, deşikli qara rəngli yay ayaqqabıları olub.

 Onun barəsində məlumatı olan şəxslərdən Qusar Rayon Polis Şöbəsinə (023) 385-28-03, 385-28-35, 385-43-19, (050) 321 -87 -20  və "102” nömrəli telefonlara zəng vurmaq xahiş olunur.