Azərbaycan Respublikası Prezidenti yanında Gənclər Fondunun elan etdiyi 7-ci qrant müsabiqə çərçivəsində dəstəklənən "Qırmızı işıqda Ürək Dayanmasın. Sən Dayan!” layihəsinin icrasına start verilib. Təqdimatda layihə çərçivəsində əməkdaşlıq ediləcək tərəfdaş təşkilatların və media qurumlarının nümayəndələri iştirak ediblər.
Layihə rəhbəri Elvin Hüseynov bildirib ki, layihə 4 mərhələdə Sumqayıt şəhərində icra olunacaq. Layihənin məqsədi artıq böyük bir bəlaya çevrilmiş yol qəzaları və bu qəzalarda insan itkisinin qarşısının alınması, yol təhlükəsizliyində ilkin növbədə işıqforun nizamlayıcısına və piyada keçidlərinə diqqət çəkmək, bu istiqamətdə dövlət qurumlarına ictimai dəstəyin verilməsi, yol hərəkəti təhlükəsizliyi şüurunun qazandırılması, bu sahədə preventiv və maarifləndirmə işlərinin aparılmasıdır. Bildirildi ki, layihədə hədəf qrupu kimi 14-29 yaş gənclər nəzərdə tutulub. Bundan əlavə layihənin kordinatına uyğun olaraq layihənin icrasından müxtəlif yaş kateqoriyalarına aid olan ictimaiyyət üzvləridə müsbət istiqamətdə yararlanacaq.

Təqdimatda çıxış edən tərəfdaş təşkilatların nümayəndələri qeyd ediblər ki, Gənclər Fondu tərəfindən bu cür layihələrin dəstəklənməsi çox müsbət haldır və bu gənclərə olan diqqət və qayğının nəticəsidir.

Sonda layihə çərçivəsində hazırlanaraq iştirakçılara paylanılacaq buklet və braşürlərin mətni, dizaynı, eyni zamanda layihənin təbliği, icrasına könüllülərin cəlb olunması və layihə haqqında sosial şəbəkələrdə məlumatların yerləşdirilməsi istiqamətində müzakirələr aparılıb.