Noyabrın 22-də gecə saatlarında evində ürəktutmasından vəfat edən Azərbaycanın tanınmış jurnalisti Natiq Qədimovla dostları vidalaşıb.
Xeberle.com qafqazinfo.az-a istinadən xəbər verir ki, mərhumun nəşi saat 13 radələrində Nərimanov rayonunda yaşadığı mənzildən götürülüb. N.Qədimov Maştağa qəsəbəsində yerləşən qəbiristanlıqda dəfn ediləcək.
Vida mərasimində mərhumun yaxınları və media nümayəndələri iştirak ediblər.
N.Qədimovun atası Aydın Qədimov deyib ki, oğlu heç vaxt səhhətindən şikayət etməyib: "Oğlum gülə-gülə o dünyaya getdi”.
Xəbərdən istifadə edərkən istinad etmək vacibdir.
