İyunun 26-da Azərbaycan Silahlı Qüvvələrinin yaradılmasının 96 illiyi tamam olur. Maraqlıdır, hər il bu münasibətlə keçirilən və artıq ənənə halını alan hərbi parad və yürüşlərin keçirilməsi bu il də nəzərdə tutulubmu?

Müdafiə Nazirliyinin mətbuat xidmətindən Modern.az-ın sorğusuna cavab olaraq bildirilib ki, Silahlı Qüvvələr günü münasibətlə müxtəlif tədbirlər keçiriləcək: 

“26 İyun Azərbaycan Respublikası Silahlı Qüvvələrinin yaradılmasının 96-cı il dönümü ilə əlaqədar müdafiə naziri general-polkovnik Zakir Həsənovun təsdiq etdiyi plana əsasən, Müdafiə Nazirliyinə tabe olan hərbi hissələrdə, birləşmələrdə və qarnizon (Bakı, Gəncə, Lənkəran və Naxçıvan) Zabitlər evlərində bir sıra silsilə tədbirlərin keçirilməsi planlaşdırılır. Keçiriləcək tədbirlərlə bağlı yaxın günlərdə KİV-ə rəsmi  məlumat veriləcək”.

Qeyd edək ki, bu ilki tədbirlər Zakir Həsənovun nazir postuna təyinindən sonra ilk olacaq.