Sumqayıt bələdiyyəsinin dünən keçirilən iclasında sədr səlahiyyətlətinin həvalə edilməsi məsələsi müzakirəyə çıxarılıb.
19 bələdiyyə üzvündən 17 nəfərin iştirak etdiyi iclasda sədrin səlahiyyətlərinin müvəqqəti olaraq sədr müavini Sultan Əsədova tapşırılıb. Sumqayıt Bələdiyyəsindən bu faktı təsdiq edərək bildiriblər ki, yaxın günlərdə sədr seçkisinin keçirilməsi planlaşdırılır.
Bundan əlavə olaraq iclasda bələdiyyə vəsatinin xərclənmasində şəffaflığın təmin edilməsi məqsədiylə informasiya açıqlığının təmin edilməsi nəzərdə tutulub.
Xatırladaq ki, Sultan Əsədov Yeni Azərbaycan Partiyasının üzvüdür. 2009 və 2014-cü illərdə Sumqayıt bələdiyyəsinə üzv, Sumqayıt bələdiyyəsinin 21 yanvar 2015-ci il tarixli iclasının qərarı ilə yenidən Sumqayıt Bələdiyyəsinin sədr müavini seçilib. Bu vəzifəyədək isə 1989-1993-cü illərdə Sumqayıt şəhər Mənzil Kommunal Təsərrüfatı istehsalat-istismar birliyinin Vətəndaşlara Xidmət idarəsində sex rəisi, mühəndis və 1993-cü ilin fevral ayından idarə rəisi vəzifəsində çalışıb.
Qeyd edək ki, dekabrın 11-də bələdiyyənin növbədənkənar iclasında sədr Əbülfəz Babayevin istefa ərizəsi müzakirə edilib və səs çoxluğu ilə onun istefası qəbul edilib.
Belediyye.info