Bir neçə valideyn adından Xeberle.com-un elektron ünvanına təbrik məktubu daxil olub. Onlar övladlarının rus dili müəlliməsi, bu gün doğum günü olan Elvira Hacıyevanı təbrik ediblər və bu məktubun portalımızda verilməsini xahiş ediblər. Xeberle.com həmin məktubu təqdim edir:

Belə bir deyim var: "Şəxsiyyətin ahəngdar inkişafı vəzifəsi, ilk növbədə, müəllimin üzərinə düşür”. Bu nümunəvi peşə sahibləri cəmiyyətdə çox böyük rol oynayır, yaşlı nəslin təcrübəsini gənc nəslə ötürür, onlara dərin biliklər aşılayırlar. Gənc nəslin müstəqil həyata hazırlanması, onun dünyagörüşünün formalaşması, gələcəyin mütəxəssisinin ilk hazırlığı məhz uşaqlıq illərindən başlayır. Elvira Hacıyeva – Sumqayıt şəhərində yerləşən, "Elite” təhsil və karyera mərkəzində rus bölməsində təhsil alan məktəbəqədər uşaqlara bilik verir. "Hər bir şagirdin vətənpərvər, əməksevər, savadlı yetişməsi üçün bütün səylərini səfərbər edən Elvira xanım bilir ki, bünövrə nə qədər möhkəm olarsa, bilik bir o qədər dərin, eyni zamanda əsaslı olar. Bu səbəbdəndir ki, o, gələcəyimiz olan şagirdlərə dərin və əsaslı bilik verməklə, onların əsl vətəndaş kimi yetişməyinə, təlim prosesində mənəvi dəyərlərimizin aşılanmasına nail olmaqla, Sumqayıt şəhərində qısa müddətdə böyük nüfuz qazana bilib. Hər bir valideyn övladının məktəbli yaşına çatmasını səbirsizliklə gözləyir və onun taleyini müəllimə etibar edir. Bu yazıya imza atan biz valideynlər Elvira Hacıyevanın övladlarımızla apardığı pedoqoji işdən olduqca razıyıq. Elvira xanım təkcə bizim övladlarımıza təhsil vermir, o həm də, onların hər birinin xarakteri ilə də dərindən maraqlanır, həqiqi müəllim adına layiq tərzdə fərdi yanaşma sərgiləyərək müəllim-şagird münasibətlərində ananın övladına olan münasibəti qədər səmimi ortam yaradır. Şagirdlərini sevməklə onlara dərslərini sevdirən Elvira xanıma təşəkkür etmək, onun zəhmətinin hədər getməməsi üçün biz valiyenlər də üzərimizə düşən məsuliyyəti dərk edərək onun cızdığı yolla övladlarımızın Azərbaycan üçün xeyirli vətəndaş kimi yetişməsinə söz veririk.
İmzalar: Qasımov Yaşar, Qasımova Kəmalə, Əliyeva Aydan, Əliyeva Hökumə, Camalova Aliya, Camalova Raida, Xankişiyev Yusif, Xankişiyev Nazilə, Balamiyeva Fidan və Balamiyeva Sidiqə.