Azərbaycan Respublikası Prezidenti yanında Gənclər Fondunun maliyyə, şəhər Gənclər və İdman Baş İdarəsinin təşkilati dəstəyilə 19 dekbar 2015-ci il tarixində Sumqayıt Gənclər Evində "Fraktal və Məntiq” adlı layihə çərçivəsində ilk rəsm sərgisi keçirilmişdir.
Layihə rəhbəri Orxan Rəcəbovun Xeberle.coma verdiyi məlumata görə, ilkin olaraq iştirakçılara təbiətdə mövcud olan, habelə riyazi, həndəsi, vektorial fraktalları özündə əks etdirən video çarğ nümayiş olunmuşdur. Daha sonra çıxış edən layihə rəhbəri bu gün dövlətimiz tərəfindən gənclərimizin hətərəfli inkişafı, bilik və bacarıqlarının artırılması üçün hər cür şəraitin yaradıldığını qeyd etmişdir. Layihənin məqsədinin fraktal rəsimlər və onların məntiqi əlaqələri barədə gənclərimizin məlumatlandırılması, riyazi məntiqin gündəlik həyatımızda olan yerinin gənclərimizə qavradılması, düşüncə məntiqinin, diqqətin və yaddaşın inkişaf etdirilməsi və asudə vaxtının səmərəli təşkili olduğu bildirildi. O qeyd etdi ki, əksəriyyət gəncləriin anlamaqda çətinlik çəkdiyi fraktal və məntiqi əlaqə gün keçdikcə dahada aktuallaşır və demək olarki insan fəaliyyətinin bütün sahələrini əhatə edir.
Sərgidə yeniyetmə və gənclərin əl işlərindən ibarət insanın beyin təfəkkürünə, motorikaya, məntiqi inkişafa zəmin yaradacaq, özlərində riyazi sirləri və məntiqi əlaqələri birləşdirən fraktal rəsmlər və fiqurlar nümayiş olunmuşdur.
Sərgi iştirakçılar tərəfindən böyük maraqla qarşılanmış və nümayiş olunan rəsmlər ətrafında fikir mübadiləsi aparılmışdır.
Xəbərdən istifadə edərkən istinad etmək vacibdir.
