Bir müddət əvvəl Sumqayıt şəhər "Kotec” yaşayış massivində yerləşən məscid ərazisinin yaxınlığında 24 saat fəaliyyət göstərən içki satışı ilə məşğul olan dükanla bağlı redaksiyamıza şikayət məktubu daxil olmuşdu. "Alko və Tütün” adlı marketin 24 saat fəaliyyət göstərdiyini deyən şikayətçilər bu dükanın fəaliyyət göstərməsinin millli-mənəvi dəyərlərimizə zidd olduğunu və məscidin yanında yerləşən içki mağazasının fəaliyyət göstərməsinin qarşısını almaqda müvafiq qurumlardan kömək istəyirdilər.

Dini Qurumlarla İş Üzrə Dövlət Komitəsindən verilən məlumata görə, şikayətə baxılması üçün məktub Sumqayıt Şəhər İcra Hakimiyyətinə göndərilib.

Sumqayıt şəhər İcra Hakimiyyətinin İnformasiya təminatı və təhlil sektorunun müdiri Ənvər Hüseynov isə bildirib ki, rəhbərlik artıq şikayətlə tanış olub və tez bir zamanda məsələnin həlli istiqamətində tədbir görüləcək.(liderxeber.az)