Sumqayıt şəhərində yanğın hadisəsi baş verib. Belə ki, axşam saatlarında şəhərin Sülh küçəsində ticarət mərkəzlərinin birinin damında yanğın hadisəsi qeydə alınıb. Ticarət mərkəzinin damı birdən yanmağa başlayıb. Dərhal hadisə yerinə yanğınsöndürənlər cəlb olunub. İlkin ehtimala görə yanğın mərkəzdə yerləşən "Tehran" kafesinin tüstü bacasında baş verən nasazlıq üzündən baş verib. Xoşbəxtlikdən xəsarət alan olmayıb. Yanğınsöndürənlərin müdaxiləsi nəticəsində yanğın dərhal söndürülüb və digər ərazilərə keçməsinin qarşısı alınıb. Xeberle.com-a verilən məlumata görə ticarət mərkəzinin dam örtüyü 1 kvadratmetr ərazidə yanıb.