Ermənistan parlamentinin nümayəndə heyəti ATƏT-in Parlament Assambleyasının iclasında iştirak etmək üçün Azərbaycana gəlib.
“Xeberle.com” ANS PRESS-ə istinadən xəbər verir ki, nümayəndə heyəti tərkibinə "Daşnaksütun" fraksiyasının katibi Aqvan Vardanyan, "Respublikaçılar Partiyası" fraksiyasından olan deputat Artaşes Qeqamyan, "Çiçəklənən Ermənistan" fraksiyasından olan deputat Stepan Marqaryan, parlamentin beynəlxalq şöbəsinin nümayəndəsi Anait Qasparyan və XİN təmsilçisi Vaqe Qevorkyan daxildir.
Aqvan Vardanyan erməni mətbuatına açıqlamasında bildirib ki, hər şey qaydasındadır və onlar artıq mehmanxanaya yerləşiblər.
Qeyd edək ki, Bakıda baş tutan sessiya iyunun 28-dən iyulun 2-dək davam edəcək.
Xəbərdən istifadə edərkən istinad etmək vacibdir.
