Bildiyimiz kimi, ölkə Prezidenti İlham Əliyev Yeni il qabağı "Məhkum edilmiş bir sıra şəxslərin əfv olunması haqqında” sərəncam imzalayıb. Xeberle.com ölkə başçısının rəsmi internet saytına əsasən məlumat verir ki, Sərəncam məhkum olunmuş bir sıra şəxslərin, onların ailə üzvlərinin, İnsan hüquqları üzrə müvəkkilin, insan hüquqlarının müdafiəsi təşkilatlarının Azərbaycan Prezidentinə ünvanlanmış əfv haqqında müraciətlərinə baxaraq, məhkumların şəxsiyyətini, səhhətini, ailə vəziyyətini, cəza çəkdikləri müddətdə davranışlarını nəzərə alaraq, humanizm prinsiplərinə əsaslanaraq, Azərbaycan Respublikası Konstitusiyasının 109-cu maddəsinin 22-ci bəndini rəhbər tutaraq verilib.

Sərəncam ümumilikdə 210 nəfərə şamil edilir.
Xüsusən vurğulayaq ki, əfv edilənlər sırasında Sumqayıt sakini də var. Quliyev Həsənqulu Əli oğlu, 1959-cu ildə anadan olmuş, Azərbaycan Respublikasının vətəndaşı, Sumqayıt şəhər məhkəməsinin 2013-cü il 23 aprel tarixli hökmü ilə məhkum edilmişdir.
Bu sərəncamdan sonra Quliyev Həsənqulu Əli oğlu əfv edilərək azadlığa buraxılıb.
Xeberle.com