- Niyə Nürnberqdə Tomasöz dostu Arnolda demir ki, gedək filan universitetin qabağına, bəlkə qız tutduq?
- Niyə İstanbulda Əmrə öz dostu Meteyə demir ki, bu nə sırğadı, taxmısan, "qoluboysan”? 
- Niyə Nyu-Yorkda Çarlz öz dostu Marşala demir ki, gedək,"MTN” papaqları alaq və çıxaq şəhərə? 
- Niyə Tokioda Ono öz dostu Hiroşinin siqaretini yandırmaq istəyəndə birdən yadına düşmür ki, yaxşı oğlan birinci özünü zəhərləyər? 
- Niyə Qahirədə Zeyn öz dostu Yəyha ilə qəlyan çəkərkən tüstü buraxan anda şəkil çəkdirmir və ya çəkdirib həmin şəkli sosial şəbəkələrdə "bu da mən” adı ilə yerləşdirmir? 
- Niyə Təbrizdə Azad öz dostu Şəhriyar ilə "Samand” markalı maşınının qabağını qaldırmır və həmin maşınla "protiv” yolda sürmür? 
- Niyə Valensiyada Fernando yolda tanımadığı adamlara yaxınlaşıb "Görürəm, belə yaxşı oğlana oxşayırsan, 20 peson olmaz, Tarraqonaya getməliyəm, pulum yoxdur” demir? 
- Niyə Salonikidə öz nişanlısı Olivia ilə elə qızın məhləsində oturan Vasileosa həmin məhlənin cavanları yaxınlaşıb "camaatın anası-baysı var” demirlər? 
- Niyə Seulda Donq-Min öz dostu Sanq-Kyu ilə dünyaşöhrətli PSY-ı rəqs etdiyinə görə "petux” hesab etmirlər? 
- Niyə Tibetdə Janqbu təsbehini kiminsə başına vurub onu sındırmır, sonra sındırdığı adamın nəfəs salmağına söyüş qoyub onu "peysər" çıxartmır? 
Mən özümü tanıyandan yaşadığım cəmiyyətdə həmişə "filankəs yaxşı oğlandır”, "yaxşı oğlan olsa idi, belə etməzdi” kimi söhbətlər eşidirəm. Hətta özüm də bu tip söhbətlərdən çox etmişəm, çünki mən də bu "qazanın” (cəmiyyət) içində bir "düyüyəm” (üzvəm). Amma insan oturub düşünür, fikirləşir, müşahidə edir və belə qərara gəlir ki, Azərbaycan insanının beynində "refreş" əməliyyatına böyük ehtiyac var.
Vüsal Q.
Xeberle.com