Məlum məsələdir ki, son günlər vətəndaşları ən çox narahat edən məsələlərdən biri valyutadəyişmə məntəqələrindəki vəziyyətdir. Bu gün həmkarlarımız bazarda araşdırma aparıblar. Məlum olub ki, vəziyyət heç də ürəkaçan deyil. Düzdur Mərkəzi Bankın marja ilə bağlı verdiyi son qərardan sonra dolların alış və satış qiymətləri stabilləşib. Amma valyutadəyişmə məntəqələrinin özbaşınalığı ucbatından vətəndaşlar yenə də əziyyət çəkirlər.
Valyutadəyişmə məntəqələrinin qarşısında böyük növbələr yaranıb. Vətəndaşların dediyinə görə, əslində dollar var, məntəqələr süni gərginliklə gəlirlərini güdürlər.
Mərkəzi Bank dəfələrlə bəyanat yayaraq, valyutadəyişmə məntəqələrinin dollarla tam təmin edildiyini bildirib. Lakin yeni qaydalara görə, məntəqələr xarici valyutanı rəsmi məzənnədən maksimum 4 qəpik yuxarı sata bildiyindən, bu cür yollara əl atırlar. Mübadilə məntəqələrinin nümayəndələri özlərinə bu cür bəraət qazandırılar.
Hətta müəyyən olunmuş həddən baha dollar satan 11 nəfər saxlanılıb. Paytaxtın Nəsimi Rayon Polis İdarəsinin əməkdaşları əməliyyat tədbirləri nəticəsində
Bakı şəhər sakinləri Zirəddin Ələsgərov, Bəhruz Bilalov, Samir Məsimov, İbiş Nuriyev, Məmmədəli İsmayılov, Sumqayıt şəhər sakini Nicat İsmayılov, Hacıqabul rayon sakini Zaur Əliyev, Oğuz rayon sakini Vahid Çələbiyev, Masallı rayon sakini Rəşad Cəfərov, Neftçala rayon sakinləri Vüsal Həsənov və Emin Ələkbərov valyuta tənzimi qaydasını pozduqları üçün saxlanılıb və barələrində İnzibati Xətalar Məcəlləsinin 222.1-ci maddəsi ilə protokol tərtib edilərək cərimə olunublar.
Xəbərdən istifadə edərkən istinad etmək vacibdir.