“Ukrayna ilə bağlı qətnamənin qəbul edilməsi regionda münaqişələrin baş verməsinə şərait yaradacaq”. ANS PRESS-in məlumatına görə bunu ATƏT PA-nın Bakıda keçirilən sessiyasında çıxışı zamanı erməni parlamentinin beynəlxalq şöbəsinin nümayəndəsi Anait Qasparyan deyib. O, sessiyada ərazi bütövlüyü məsələsinin müzakirə edilməsinin əleyhinə olduğunu söyləyib.

“Hesinki yekun aktının bütün prisipləri nəzərə alınmalıdır. Amma burada ərazi bütövlüyü məsələsi qabardılır. BMT-nin xartiyasının ilk bölməsində xalqların öz müqəddaratını həll etməsi məsələsi qeyd olunub. Xartiya Dağlıq Qarabağ münaqişəsi ilə bağlı qətnaməni inkar edir. Xalqların hüququ tapdanacaqsa beynəlxalq hüquq nəyə lazımdır? Bizim prezidentimiz vurğulayıb ki, münaqişənin həlli regionda sülh yaradacaq. Bu prezidentlərin bəyanatlarına əsaslanır. Münaqişənin tonallığı bizə nikbinlik verir. Belə bir qətnamənin qəbul olunası münaqişləri daha da dərinləşdirəcək”.

Daha sonra Azərbaycan nümayəndə heyətinin rəhbəri Bahar Muradova erməni deputata cavab verib: "Mən hər şeyi açıq söylədim. Çox da yaxşı elədim. Qətnamənin üzərində yenidən işlənməsi fikirimə razılıq verildiyinə görə təşəkkür edirəm. Dəvəquşu artıq gözünün birini qumdan çıxarıb. Biri isə qumdadır. Artıq bütün münaqişlər baxmaq lazımdır. Dağlıq Qarabağ münaqişəsi bəziləri üçün ürək ağrısı, bəziləri üçün isə saç tökümüdür. Biz qətnamənin üzərində işləməliyik”.

Qeyd edək ki, ATƏT Parlament Assambleyası (PA) Daimi Komitəsinin iclasında qurumun yer aldığı Siyasi Məsələlər və Təhlükəsizlik Komitəsi üçün Finlandiyadan olan məruzəçi Pta Kaumanın hazırladığı "Silahlı qüvvələr üzərində nəzarət və Venesiya sənədi" adlı məruzədə Dağlıq Qarabağ münaqişəsi yer almayıb.
Buna etiraz edən Azərbaycanın ATƏT PA-dakı nümayəndə heyətinin rəhbəri Bahar Muradova çıxışında sənədin əleyinə olduğunu və ATƏT PA-nın Qarabağ münaqişəsi ilə bağlı konkret mövqeyini ortalığa qoymalı olduğunu deyib.