Fotolarda gördüyünüz məkan Sumqayıtın dənizkənarı sahilidir. İlin müxtəlif fəsillərində, xüsusilə yay aylarında Sumqayıt əhalisi gəzinti və çimərlik üçün bu ərazidən istifadə edir. Lakin AzadXeber.net-in foto obyektinin sözügedən ərazidən lentə aldığı görüntülər Dənizkənarı Parkın vəziyyətinin heç də yaxşı vəziyyətdə olmasından xəbər vermir. Belə ki, ərazini cənginə alan zibillik, qazıntılar, bir dənə də oturacağı və kölgəliyi olmayan sahil ərazisində istirahətə gəlmək üçün ən yaxşı halda avtomobil sahibi olmalısan. Əks halda sahilə gəlib çıxmaq üçün müxtəlif zibillik və qumluqlardan ibarət baryerləri aşmalısan. Halbuki Sumqayıtın dəniz sahili turizm obyektlərinin və çimərliklərin salınması üçün böyük perspektivə malikdir.
Ümid edirik ki, yaxın gələcəkdə sözügedən ərazidə əsaslı təmir işləri görüləcək və göstərilən problemlərin hamısı öz həllini tapacaqdır.
Xəbərdən istifadə edərkən istinad etmək vacibdir.
