"Son 10 il ərzində yerli Bələdiyyə öz işini yüksək səviyyədə qura bilməyib. Baxmayaraq ki, hər il Bələdiyyə büdcəsinə 2 milyon manata yaxın vəsait daxil olub, ancaq nəzərdə tutulan layihələr icra edilməyib. Son 5 ayda isə bələdiyyə işçiləri əmək haqqı almırdı”.

Xeberle.com xəbər verir ki, bu sözləri Sumqayıt şəhər Bələdiyyəsinin hesabat yığınağında bələdiyyə sədri vəzifəsini icra edən Sultan Əsədov deyib. Onun sözlərinə görə, son 5 ayda Bələdiyyənin 300 min manat borcu yaranıb.

Bildirilib ki, yaranmış vəziyyətdə bələdiyyə üzvləri yığıncaq keçirərək sədri istefaya göndəriblər.