Sumqayıt şəhər MKS-nin M.Ə.Rəsulzadə adına 2 saylı kitabxana-filialında 2 fevral Gənclər günü ilə "Gələcəyimizə sahib olan qüvvə" mövzusunda tədbir keçirilib.
Tədbirdə müxtəlif oxucu qrupları ilə şəhərimizin tanınmış simalarından olan gənclər - Gənclər və İdman Baş idarəsinin əməkdaşı Seymur Aslanov, Dövlət İdarəçilik Akademiyasının əməkdaşı Kənan Aslanlı, "QWERTY" Company şirkətinin rəhbəri Ceyhun Hüsenzadə, Xeberle com. saytının həmtəsisçisi və redaktoru Ramil Zeynallı, "Rekord az. saytının müxbiri Anar Xanlarov, şair Asif Asiman, 21 saylı tam orta məktəbin müəllimi Sevinc Əliyeva, 14 saylı tam orta məktəbin müəllimi Mehparə Abbasova və başqaları iştirak edib.
Tədbirdə qeyd olunub ki, ölkənin gələcəyi, müqəddəratı indiki gənclərdən asılıdır. Bildirilib ki, Azərbaycanın müstəqilliyin qorunub saxlanılmasında, dövlətçiliyin möhkəmlənməsində gənclərin üzərinə az iş düşmür. Vurğulanıb ki, Azərbaycanda gənclərlə bağlı müxtəlif layihələr həyata keçirilir, böyük beynəlxalq tədbirlər təşkil olunur.