Sumqayıt Dövlət Dram Teatrında (SDDT) aparılan təmir işləri ilə bağlı yaradıcı kolektivi fəaliyyətini müvəqqəti olaraq "Nizami” kino-teatrında davam etdirəcək.
Teatrdan bildirilib ki, səhnə ustaları Leonid Juxovskinin "Şahzadə və bacatəmizləyən" əsərinin tamaşaya hazırlayıblar. Quruluşçu rejissor Vasif Məmmədovdur. Rolları Əməkdar artistlər İlahə Səfərova, Növrəstə Həşimova, aktyorlar İlqar İbrahimov, Habil Xanlarov və başqaları ifa edirlər. Yeni fəaliyyət məkanında ilk tamaşa olan "Şahzadə və bacatəmizləyən" yalnız bir gün - fevralın 13-də saat 10:00 və 12:00-da göstəriləcək.(salamnews.org)