Xeberle.com xəbər verir ki, bu gün Məhərrəm ayının 10-cu, Aşura günündə ölkənin ən böyük üçüncü şəhəri sayılan Sumqayıtın məscidlərində də Aşura mərasimi keçirilib.

Aşura günü ilə əlaqədar Sumqayıt Cümə məscidində könüllü qanvermə aksiyası da keçirilib.

Səhiyyə Nazirliyi və Qafqaz Müsəlmanları İdarəsi (QMİ) tərəfindən təşkil edilən qanvermə aksiyasında Mərkəzi Qan Bankının tibbi briqadası sumqayıtlılara xidmət göstərib. Toplanan qan əsasən talassemiya və qan xəstəliklərindən əziyyət çəkənlərə veriləcək.

Qeyd edək ki, Sumqayıtda Aşura günü ilə əlaqədar ictimai asayişin qorunması məqsədilə şəhər polisi gücləndirilmiş iş rejimində çalışır, ictimai asayiş lazımi şəkildə təmin edilir. Mərasimlərin keçiriləcəyi yerlərdə və onun ətrafındakı ərazilərdə yol hərəkəti təhlükəsizliyini təmin etmək məqsədilə lazımi qüvvələr ayrılıb.

Xeberle.com Sumqayıt Cümə məscidində keçirilən Aşura mərasimindən fotoları təqdim edir.