"Sumqayıtda bütün maliyyə mənbələri hesabına investisiya qoyuluşu 6,2 faiz artaraq 139,7 milyon manat təşkil edib. Əhalinin real pul gəlirlərini əks etdirən göstəricilərdən biri olan ticarət dövriyyəsi, pullu xidmət, sərnişin daşınması, rabitə xidməti 100 faiz həcmində icra olunub." 
Xeberle.com xəbər verir ki, bu fikirlər ötən gün keçirilən Sumqayıtda 2015-ci ilin sosial-iqtisadi inkişafının yekunlarına və qarşıda duran vəzifələrə həsr olunmuş hesabat yığıncağında səsləndirilib.
Bildirilib ki, həyata keçirilən tədbirlər nəticəsində hesabat dövründə 5491 yeni iş yeri açılıb. Onlardan 5153-ü daimi iş yeridir. Orta aylıq əməkhaqqı 5,7 faiz artaraq 400 manat təşkil edib.