Qızıl Aypara Cəmiyyətinin (QAC) Sumqayıt şəhər bölməsinin sədri Mətanət Məhərrəmovaya yeni vəzifə verilib.

Xeberle.com xəbər verir ki, M. Məhərrəmova QAC Sumqayıt Regional Mərkəzinə Koordinator vəzifəsinə təyin edilib. QAC-ın vitse-prezidenti Əziz Qocayev təyinat əmrini təqdim etmək üçün Sumqayıt şəhər bölməsində olub və Sumqayıt Regional Mərkəzinə daxil olan rayon bölmələrinin iştirakı ilə toplantı keçirilib.

Toplantıda təyinat əmri rayon bölmələrinin rəhbərlərinin diqqətə çatdırılıb və M. Məhərrəmovaya vəsiqə təqdim olunub.

Qeyd edək ki, Sumqayıt Regional Mərkəzinə Sumqayıt şəhəri də daxil olmaqla Quba, Qusar, Xacmaz, Siyəzən, Şabran, Qobustan, Şamaxı, İsmayıllı, Agsu, Abşeron və Xızı rayonları daxildir.

Mərkəz koordinatorunun əsas vəzifəsi rayon bölmələrinin işinə nəzarət etmək, baş idarə ilə koordinasiya qurmaq və fəaliyyətlərinə dəstək verməkdir.
Xeberle.com