"Sumqayıtın "Yaşıl bina"sı məni valeh etdi, maşını saxlatdırıb binaya xeyli tamaşa etdim. Üzbəüz olan mədəniyyət sarayınız isə bizim Moskvada olan "Böyük teatr”ı xatırlatdı"

1970-80-ci illərdə Sumqayıtın mədəni həyatı öz zənginliyi və rəngarəngliyi ilə seçilirdi. Sovetlər ölkəsinin ən məşhur və tanınmış alimləri, yazıçıları, şairləri, bəstəkarları, aktyorları sumqayıtlıların qonağı olmuş, yerli camaatla ünsiyyət yaratmış, fikir mübadiləsi aparmışlar. Həmin illər yaşlı və orta nəslin nümayəndələrinin yaxşı xatirindədir. Mən də bir jurnalist kimi həmin görüşlərdə iştirak etmiş, fürsət düşdükcə məşhur şəxsiyyətlərdən müsahibələr almışam.

1985-ci ildə Sovet kinosunun parlaq ulduzu, SSRİ xalq artisti Nataliya Nikolayevna Fateyevanın "Vaqif” adına kinoteatrda Sumqayıtlı tamaşaçılarla görüşü keçirilmişdir.

«Случай на шахте восемь», «Три плюс два», «Убить человека», «Джентлемены удачи», «Место встречи изменить нельзя» və sair filmlərdə oynadığı maraqlı rollar hamının yaxşı yadındadır.

Görüş vaxtı aktrisaya yerlərdən çoxlu suallar verildi. Onlardan bir neçəsini olduğu kimi oxucuların diqqətinə çatdırmaq istəyirəm.

- Sizi müxtəlif janrlarda filmlərə çəkilmisiniz. Kənardan özünüzə baxanda yaratdığınız obrazı necə qiymətləndirirsiniz?

- Bilirsiniz mən o kateqoriyalı aktyorlardanam ki, çəkildiyim filmlərə baxmıram. Hər hansı bir epizodda özümün səhvimi görməkdən qorxuram.

- Aktisa olmaq üşün nə vacibdir? Fitri istedad, yoxsa zəngin təcrübə?

- Hər bir sənətə insanın inamı olmalıdır. Əgər sənəti seçmisənsə onun vurğunu olmalısan. İstedad da olmalıdır. Təkcə sənətə vurğunluqla gözəl aktyor olmaq olmaz.

- Bəzi aktyorlar rejissorları özləri seçir. Siz necə?

- Mənim üçün əsas şərt ssenaridir. Dramaturji material güclü olanda istər-istəməz ürəyinə yatdığın obrazı yaratmaq həvəsinə düşürsən. Söszüz ki, rejissorun da təcrübəsi mühüm rol oynayır. Yaradıcılığım boyu bir neşə ssenarilərdən imtina etmişəm.

- Aktrisa olmaq üçün qadın gözəlliyi vacibdirmi?

- Onu demək istəyirəm ki, gözəl olmayan qadın yoxdur. Bütün qadınlar gözəldir. Əsas bu gözəlliyi duymaq, yaşatmaq lazımdır.

Kinoteatrda suallar çox oldu. Hamısını yazmaq fikrindən uzağam. Görüşdən sonra onunla ünsiyyət yaradıb bir neçə sualıma cavab verməsini xahiş etdim.

-Sovet kinosunda populyarsınız. Özünüzü kiməsə oxşatmaq istəmisiniz?

- Dünya kinosinda Sofi Loren, Bricit Bardo, Elizabet Teylor, Entoni Kuin, Marlen Brando, Jan Qaben, Marçello Mastroyani kimi məşhur aktyorlar var. Onların hər birinin öz dəst-xətti, öz üslubu var. Onların yaradıcılığına böyük hörmət bəsləyirəm. Həmkarlarımdan bəziləri özlərini kiməsə oxşatmaq istəyirlər. Mən isə qəti bunun əlehinəyəm. Çalışıram ki, özüməməxsus oyun tərzim olsun. Kimisə təkrarlamaqdan uzağam.

- Bir çox şəhərlərdə tamaşaçılarla görüşlərdə olmusunuz. Sizi Sumqayıta gətirən nə olmuşdur?

- Bu, təsadüfi deyil. Bacım Sumqayıtda yaşayır. Onun vasitəsilə Sumqayıtın inkişafı, zəhmətkeş və mehriban insanları haqqında az-çox məlumatım var. Sumqayıt dostluq şəhəridir. Burada müxtəlif millətlərin nümayəndələri bir ailə kimi yaşyırlarlar. Bununla ancaq fəxr etmək olar. Şəhəriniz cavandır, insanların çöhrələrində daim təbbəssüm görürəm. Bacım sizin qonaqpərvərliyiniz haqqında dəfələrlə mənə söhbət açıb. Bir neçə gündür ki, Azərbaycandayam, bunun canlı şahidi olmuşam.

- Sumqayıt tamaşaçıları haqqında nə deyə bilərsiniz?

- Zala daxil olanda tamaşaçılar məni sürəkli alqışlarla qarşıladılar. Bunu gözləmirdim. Bu, ürəyimi isitdi. İlk sualdan anladım ki, sumqayıtlılar mənim tərcümeyi-halımı və kinodakı fəaliyyətimi dərindən bilirlər. Belə bir nəticəyə gəldim ki, mənimlə görüşə gələnlər tələbkar tamaşaçılardır.

- Bir neçə saat Sumqayıtdasınız. Sizi təəccübləndirən nə oldu?

- Maşınla keçəndə yaşıl bina gördüm. Soruşdum: bu nə binadır? Cavabında dedilər ki, şəhər partiya komitəsidir. Maşını saxlatdırıb binaya xeyli tamaşa etdim. Bu, məni valeh etdi. Üz-bə-üz olan mədəniyyət sarayınız isə bizim Moskvada olan "Böyük teatr”ı xatırlatdı. Sanki eyni memarın əlindən çıxıb. Ümumiyyətlə Sumqayıtda mədəniyyətə olan münasibət çox xoşuma gəldi. Kiçik ərazidə bir neçə mədəniyyət evinin və kinoteatrın olması bunu sübut edir.

- Sumqayıtlılara arzunuz?

- Sonsuz məhəbbət. Çöhrənizdən təbbəssüm əskik olmasın.

Müsahibəni apardı:

Eyruz Məmmədov,

Respublikanın əməkdar jurnalisti

(1985-ci il)