Sumqayıt şəhərində küçələrin birinə milli qəhrəman Mübariz İbrahimovun adı verilib. Bu barədə şəhər İcra Hakimiyyətindən məlumat verilib.
Qeyd edək ki, bir müddət öncə Sumqayıt gəncləri şəhərdəki küçələrin birinə milli qəhrəman Mübariz İbrahimovun adının verilməsi ilə bağlı maraqlı təkliflə çıxış etmişdilər. Onların bu barədə "facebook" sosial şəbəkəsində yazdıqları status təqdirəlayiq hal kimi qarşılanaraq böyük müzakirələrə səbəb olmuşdur. Xeberle.com olaraq bu məsələni işıqlandırmağı, ictimailəşdirməyi özümüzü borc bildik. Təqdirəlayiq haldır ki, tezliklə bu istək reallaşdı. Şəhər İcra Hakimiyyətinin başçısı Zakir Fərəcov sözügedən təklifi müsbət dəyərləndirərək, fevralın 20-də şəhərin İnşaatçılar yaşayış massivindəki küçələrin birinə milli qəhr'man Mübariz İbrahimovun adının verilməsi haqqında sərəncam imzalayıb.
Xeberle.com