“Digər çimərliklərdə ciddi problem yoxdur”.

Sumqayıt, eləcə də Qaradağ rayonundakı “Sahil”, Səbail rayonundakı “Şıx” çimərliklərinə giriş qadağan olunub.

Bu barədə Səhiyyə Nazirliyinin Respublika Gigiyena və Epidemiologiya Mərkəzinin şöbə müdiri İmran Abdullayev bildirib.

Onun sözlərinə görə, bu çimərliklərdə mikrobioloji çirklənmə dərəcəsi, bağırsaq çöpü bakteriya qrupları normadan çoxdur.

Bu il 3 çimərlikdə çimmək qadağandır. Əhaliyə xəbərdarlıq etmişik ki, “Sahil” və “Şıx” çimərliyindən istifadə etməsinlər. Qəti surətdə bu istiqamətdə dənizə girmək olmaz.

Digər çimərliklər yay mövsümü ilə əlaqədar istifadəyə yararlıdır və ciddi problem yoxdur.

Şöbə müdiri yeyinti məhsullarının istehsalı, satışı, saxlanması və daşınması zamanı sanitar norma və qaydalarının tələblərini pozan, o cümlədən laboratoriya müayinələrinin nəticələrinə görə gigiyenik normalara cavab verməyən məhsulları istehsal edən 400 müəssisənin cərmələnindiyini, 200 müəssisənin isə bağlandığını deyib.(salamnews.az)