"Xəmsə” Milli İntellektual Oyunu üzrə VIII Azərbaycan çempionatının Sumqayıt şəhər seçim turu keçirilib.
Sumqayıt şəhər Gənclər və İdman Baş İdarəsi tərəfindən 13 mart 2016-cı il tarixdə "Sumqayıt Gənclər Evi”ndə g ənclər arasında "Xəmsə” Milli İntellektual Oyunu üzrə VIII Azərbaycan çempionatının Sumqayıt şəhər seçim turu keçirilib. Turniri giriş sözü ilə açan Baş İdarənin rəis əvəzi Mübariz Bəşirov iştirakçı komandaları salamlamış, ölkə və şəhər rəhbərliyinin gənc nəslə göstərilən qayğısından və respublikada dövlət gənclər siyasətinin uğurlu inkişafından danışaraq qeyd etmişdi ki, çempionatın seçim turunun keçirilməsində məqsəd gənclərin intellektual səviyyəsini, dünyagörüşünü genişləndirmək, zehni inkişafını stimullaşdırmaq, onlar arasında biliklərin və elmin nüfuzunu artırmaq, asudə vaxtlarının səmərəli təşkili istiqamətində yeni üsullar tətbiq etmək, eyni zamanda "Xəmsə” Milli İntellektual Oyunu üzrə Azərbaycan çempionatının Abşeron zona mərhələsinə vəsiqə qazanmaqdan ibarətdir.

Şəhər seçim turu mərhələsində gənclərdən ibarət 8 komanda, hər komandada 7 nəfər olmaqla, ümumilikdə 56 iştirakçı öz bilik və bacarıqlarını sınamışdır. Komandalardan El Mualimo, Renessans, Kaspi və Eldorado komandaları ölkə çempionatının zona mərhələsində iştirak etmək hüququ qazanıbdır. Qalib komandalar şəhər Gənclər və İdman Baş İdarəsinin diplom, medal və hədiyyələri təltif ediliblər.