Cəbhə xəttində gedən döyüşlərdə şəhid olan müddətdən artıq həqiqi hərbi xidmət qulluqçusu, gizir 1989-cu il təvəllüdlü Murad Vaqif oğlu Məmmədov bu gün dəfn edilib.

Öncə şəhidin cənazəsi Sumqayıt şəhər Hacı Zeynalabdin qəsəbəsinə evlərinə gətirilib.

Sonra avtomobillərin və qəsəbə sakinlərini müşayəti ilə Sumqayıt şəhərinə yola salınıb.

Şəhid Sumqayıt şəhər Şəhidlər Xiyabanında torpağa tapşırılıb, ruhuna dualar oxunub. Mərasimdə Sumqayıt şəhər rəhbərliyi, Müdafiə Nazirliyinin zabitləri, şəhidin yaxınları və ictimaiyyət nümayəndələri iştirak ediblər.

Tabuta sərilən döyüş bayrağı şəhidin atası Vaqif Məmmədova təqdim olunub.

Şəhid artası Vaqif Məmmədov qəhrəman oğlu ilə fəxr etdiyini deyib: "Oğlum hər zaman mənim başımı uca edib, son addımı ilə də nəinki ailəsinin, bütün Azərbaycanın başını uca etdi. Vətən və torpaq uğrunda can verilməlidir. Vətən sağ olsun! Təki işğal olunmuş torpaqlarımızı geri alaq və şəhidlərimizin qanı yerdə qalmasın”.

Kamran Kazımzadə
Xeberle.com