Sumqayıt şəhər Heydər Əliyev Mərkəzində "Qəhrəmanlar vətənidir Azərbaycan” adlı tədbir keçilib.
Sumqayıt şəhər Heydər Əliyev Mərkəzinin təşəbbüsü, Mədəniyyət və Turizm İdarəsinin, Təhsil şöbəsinin, Gənclər və İdman Baş İdarəsinin, Sumqayıt Dövlət Universitetinin dəstəyi ilə təşkil olunan tədbirdə vətən uğrunda canlarından keçmiş şəhidlərin müqəddəs ruhu 1 dəqiqəlik sükutla yad edildi və Azərbaycanın Dövlət Himni səsləndirilib.
Orta ümumtəhsil məktəblərinin müəllim və şagirdlərinin, Sumqayıt Dövlət Universitetinin tələbələrinin, gənclərin qatıldığı tədbirdə çıxış edən Heydər Əliyev Mərkəzinin direktoru Aygün Zülfüqarlı, Respublika Mədəniyyət Işçiləri Həmkarlar Ittifaqı Sumqayıt şəhər Kоmitəsinin sədri, şair Əşrəf Şəfiyev (Veysəlli) güclü orduya malik Azərbaycanın Dövlətimizin başçısı, Ali Baş komandan cənab İlham Əliyevin rəhbərliyi altında daim qələbələrə imza ataçağına əminlik ifadə ediblər. Sumqayıt Dövlət Universitetinin Tarix müəllimi Pərviz Cəfərov, 25 №-li orta məktəbin müəllimi Nuridə Əhmədova, Sumqayıt şəhər Gənclər və İdman Baş İdarəsinin baş məsləhətçisi Ceyhun Hüseynov, Sumqayıt Dövlət Universitetinin tələbələri Fərid Vaqifli, Mirşamxal Həsənli, 25 №-li orta məktəbin X sinif şagirdi Rövşən Şirinli, Sumqayıt Gənclər evinin könüllüsü, 6 №-li orta məktəbin X sinif şagirdi Fidan Babayeva öz çıxışlarında qəhrəmanlar yurdu olan Azərbaycanın qədim və çoxəsrlik tarixindən söz açaraq, xalqımızın nəinki ata-baba yurd-yuvalarına, həmçinin, milli musiqisinə, mətbəxinə, mədəniyyətinə göz dikən mənfur erməni xislətindən danışdılar.
Vətənpərvərlik ruhunda şeirlərin səsləndiyi tədbirdə çıxış edəndəl bildirdilər ki, vətən uğrunda canından keçən igidləri xalqımız əbədi olaraq, böyük ehtiramla yad edəcəkdir: "Çox təsirlənsək də, eyni zamanda, Ordumuzun düşmənə endirdiyi sarsıdıcı zərbələrdən qürur duyuruq. Yaşından asılı olmayaraq hamımız Vətənin müdafiəsində iştirak etməyə hazırıq. Vətənimizin mənfur ermənilərdən təmizlənməsi üçün bütün xalqımız kimi, biz də hər an əlimizdən gələni etməyə hazırıq." 
Tədbirdə Azərbaycan ordusunun qüdrətindən bəhs edən videoçarx nümayiş olundu.