“Uğurun sirri” layihəsinin növbəti qonağı son 20 ildə 190 kitabın müəllifi olan Çingiz Abdullayevdir.

- Çingiz müəllim, fərqliliyiniz və fərdliliyiniz haqında nə deyə bilərsiz? Nəyə görə siz sizsiniz? 

- Bunu heç kəs bilmir. Bəlkə ona görə ki, mən çox işləyirəm.

- Sizcə, insan oğlunun ən böyük ali uğuru nədir? Ümumiyyətlə, bir insanın uğurlu olub-olmadığını necə müəyyənləşdirə bilərik?

- Hər kəs özü bunu müəyyənləşdirir.

- Bəs uğurun rəngi, dadı, qoxusu, səsi, görüntüsü necədir və ona toxunmaq nə zaman mümkündür?

- Yazıçını kitabı ilə tanıyanda.

- “Yanlışlar olmadan doğrular tapılmaz” - deyirlər. Uğursuzluq yanlışlardanmı doğar sizcə?

- Yox.

- Apardığınız mübarizədə uğursuzuqlarla üzləşəndə nə edirsiniz?

- Fikir vermirəm. 

- Hər insanda bir istedadın olduğunu söyləyərlər, bunu necə üzə çıxarmaq olar sizcə? 

- İşləmək lazımdır.

- Uğurun düsturunu necə açıqlayardınız? Məsələn, 20 ildə 190 kitab yazmısınız. Məhz necə olmaq lazımdır ki, digərləri də bunu bacarsın? Bir düstur varmı? 

- Zəhmət. Yalnız insanlar onu qəbul edəndə.

- Bəs uğurun başlanğıcı və sonu varmı?

- Yoxdur.

- Uğurumuzu uzun müddətli qoruyub saxlamaq üçün nə etməliyik?

- İşləməliyik. 

- Bəzi gənclər bir işə başlayanda “Düşün, tətbiq et və nəticələndir” prinsipini unudurlar. Yəni, onlar düşündüklərini ya tətbiq etmir, ya da nəticələndirmirlər. Bu problemlə üzləşənlərə nə söyləmək istərdiniz?

- Unutmasın.

- Qarşısındakına “əhəmiyyətlisən” mesajını verməkdə çətinlik çəkənlərə nə söyləmək istərdiniz?

- Onlar yazıçının keyfiyyətidir.

- Övladlarınızın gələcəkdə uğurlu ola bilməsi üçün nə edirsiz? Daha fərqli davrana bilirsiniz?

- Allahdan arzu edirəm ki, övladlarım yazıçı olmasın. Çox faciəvi və çətin peşədir.

- Sizcə uğura götürən yolda insanların ən güclü silahı nədir?

- Yalnız istedad o insanı basmalıdır.

- Uğurun yaşı olur yoxsa başı, nə düşünürsüz?

- Yaşı olmur.

- İnanmaq asandır, yoxsa inandırmaq? 

- İnanmaq.

- Həyatın enini və uzununu ölçdüzmü heç, yaşamı üzün edən nədir sizcə? 

- Bilmirəm.

- Əgər Sizə dünyada yalnız bir şeyi dəyişdirmək imkanı verilsəydi, nəyi dəyişdirərdiniz?

- Heç nəyi.

- Həyat toplananlar, çıxılanlar, vurulanlar və bölünənlərdən ibarətdir deyirlər, sizin payınıza ən çox hansı əməl düşüb? 

- Bilmirəm.

- Bəs, siz özünüz özünüzə dost ola bilsəydiniz, özünüzə sizin kimi bir dost istərdinizmi? 

- Yox, çox ağırdır.

- Təbliğ etdiyiniz gercəklər hansılardı, necə düşünürsüz sevginin təbliğata ehtiyacı varmı? 

- Bunu hər adam özü seçir.

- Sizcə gözlərimizin sürəkli tavana baxması tavanın nə işinə yarayar?

- Bilmirəm.

- Bəs, ceyranın gözündə aslan sevimli ola bilərmi?

- Bəli.

- Deyir, getmə, gəl. O-na doğru gəl, ALLAHA doğru gəl. Getməkmi, yoxsa gəlməkmi? Hansını seçərdiniz? 

- Allah insanın ürəyində olmalıdır.

Çox zaman ölüm üçün yaşadığımızın da fərqinə varmırıq. Elə hər birimiz cənnəti istəsək də kimsə ölümü istəmir. Sizə elə gəlirmi ki, arzularımız da belədir, yəni onu istəyirik, amma uğrunda nə isə etmirik. Razısınızmı? 

- Razıyam.

- Son olaraq, uğurlu olmaq istəyənlərə gərəkli ola biləcək bir məsləhət versəydiniz, nə deyərdiniz?

- İnsan özünə inanmalıdır və çox işləməlidir, 1% istedad 99 % zəhmət.

Cəfər MƏNSİMİ ,kaspi.az