Martın 23-dən Sumqayıtda  start götürən "Ehtiyacın varsa götür, ehtiyacın yoxdursa as” adlı xeyriyyə kampaniyası davam edir.
"Ehtiyacın varsa, götür, Ehtiyacın yoxdursa, as!" sosial layihəsi aztəminatlı vətəndaşların yalnız geyim ehtiyaclarını deyil, məişətdə istifadə olunan əşyalarla təmin etmək məqsədi daşıyır. Kampaniya zamanı yalnız geyim əşyaları deyil, məişətdə istifadə olunan ləvazimatlar da təqdim oluna bilər.
Kampaniyanın təşkilatçısı "Loğman” Qaçqınlara Dayaq Mərkəzi İctimai Birliyinin sədri Tahirə Loğman Xeberle.com-a bildirib ki, indiyədək  50 nəfər şəhər sakini xeyriyyə marafonuna qoşularaq geyim və məişət əşyaları təqdim ediblər. Bununla yanaşı kampaniyadan yararlananlar da var: "Belə ki, indiyədək ehtiyacı olan 40-dək insana yardım olunub. Həftənin  7 günü  əşyalar qəbul olunur. Həftənin 3 günü 4-5-6-cı günlər  isə saat 11:00-dan 17:00- dək toplanan  əşyalar ehtiyacı olanlara paylanır.”
Kampaniyaya  qoşulmaq istəyənlər 0702849070 telefon nömrəsi ilə əlaqə saxlaya bilərlər.
Ünvan: Sumqayıt şəhəri,İnşaatçılar qəsəbəsi, Qubadlı icra hakimiyyətinin keçmiş binası, 2-ci mərtəbə