Bir vaxtlar Sumqayıtda isti aylarda sərinləmək üçün çoxlu hovuz və bulaqlar olardı, xüsusən xiyabanlarda və parklarda, hətta bəzi məhlələrdə də... İndi isə onların sayı kəskin şəkildə azalıb, əcəbə görəsən niyə..?
Belə hovuzlardan ən böyüyü və məşhuru vaxtilə 2-ci və 3-cü mikrorayonların arasındakı xiyabanda, hazırkı Heydər Əliyev prospektində vardı. Sumqayıtın quraq isti iqlimini nəzərə alaraq bu sərinləmə vasitələrinin, eyni zamanda estetik tikililərin zəruriliyi haqda uzun uzadı söz açmağa ehtiyac yoxdur... Hazırda Sumqayıtda belə hovuz və fontanlar yalınız 2-3 parkda mövcuddur. 

Bu isə Sumqayıtda həyətdə olan yeganə hovuzdur. Hovuz 9-cu məhəllədiki həyətlərin birində Sovet dövründən hələ də qorunub saxlanılmaqdadır.
Maraqlıdır, görəsən, haçanadək davam gətirəcək...

Elnur Ağayev, Xeberle.com

P.S. Nə əcəb bu, Su idarəsinin gözündən yayınıb ki, hovuza sayğac qoyulmayıb?!

P.S.S. Amma öz aramızdır, yaxşı obyekt yeridir ha, nə əcəb həm də iş adamlarının da diqqətindən kənarda qalıb?! Hər halda mən bu hovuzun yerini xəbər verməklə onu "satdım".