Noyabrın
1-də Milli Məclisə keçiriləcək seçkilərə Sumqayıtdan qoşulanlardan 19
nəfərinin namizədliyi qeydə alınıb. Bundan başqa çox sayda namizəd
imzatoplama kampaniyasını yekunlaşdıraraq sənədləri Dairə Seçki
Komissiyasına təqdim edib. Qeydə alınan namizədlər arasında bitərəflər
üstünlük təşkil edir - 12 nəfər. Həmçinin YAP-dan 4 namizəd qeydiyyatdan
keçib. Qeydə alınan namizədlər arasında KXCP, ASDP və Ümid Partiyasının
üzvləri də var.
Bitərəf
namizədlər əsasən işsiz olsa da, deputat seçilmək istəyənlər arasında
Mədəniyyət və İstirahət Parkının direktoru Etibar Məmmədov,
"Azərsutəchizattikinti” ASC-nin sədri Mirzəcan Xəlilov, 2 saylı MİS
sədri Şirvan Eminov, Milli Məclisin deputatları Hacı Salayev, Muxtar
Babayev, İqtisadiyyat və Sənaye Nazirliyinin müşaviri Tahir Mirkişilinin
də adı var.
Məlumat
üçün bildirək ki, Sumqayıtda 4 seçki dairəsi var. Bunlar 41 saylı
Sumqayıt I seçki dairəsi, 42 saylı Sumqayıt II seçki dairəsi, 43 saylı
Sumqayıt III seçki dairəsi və 44 saylı Sumqayıt-Xızı seçki dairəsidir.
Cebhe.info
Xəbərdən istifadə edərkən istinad etmək vacibdir.
