Bu gün təmas xəttində hərbi qulluqçumuzun meyiti aşkar edilərək götürülüb. Hazırda hərbi qulluqçumuzun ölümünün baş verməsi şəraiti, səbəbi, vaxtı, meyitin üzərində hər hansı işgəncə, təhqir əlamətlərinin olub-olmamasını təyin etmək məqsədilə tibbi-məhkəmə ekspertizası, müvafiq tanınma və digər zəruri prosedurlar həyata keçirilir.
Xeberle.com-un aldığı son informasiyaya görə tapılan cənazənin kimliyi müəyyən olunub.Belə ki,cəbhə xəttində son döyüşlər zamanı itgin düşən Sumqayıt şəhər 4-cü mikrorayon sakini, kiçik gizir Baxışov Seymur Qulamhüseyn oğlunun şəhid olması təsdiqlənib.Şəhidin cənazəsinin gecə saatlarında gətirilməsi gözlənilir.
Qeyd edək ki, S. Baxışov 1987-ci ildə Sumqayıt şəhərində anadan olub.O, 1994-2005-ci illərdə Sumqayıt şəhər 14 saylı məktəbin rus bölməsində təhsil  alıb. Şəhid Sumqayıt şəhəri 4-cü mikrorayon, 24/8 saylı binada yaşayırdı.
Şəhid sabah saat 11:00-da Sumqayıt Şəhidlər Xiyabanında dəfn  olunacaq.
Xeberle.com olaraq şəhidin yaxınlarına baş sağlığı verir,Allahdan rəhmət diliyirik.Başın sağ olsun,Vətən!!!